लुम्बिनी सांस्कृतिक नगरपालिका–३, पडरिया | केही दिनअघि लुम्बिनी सत्य खबरका निर्देशक अनिल पटेलको फेसबुक आईडीमार्फत पडरिया सडकमा स्थानीयहरूले सडकमै धान सुकाइरहेको भिडियो सार्वजनिक गरिएको थियो।

उक्त भिडियोपछि लुम्बिनी सांस्कृतिक नगरपालिकाका नगर प्रहरी दिपेन्द्र साहनीले स्थलमा पुगेर सडकमा सुकाइएको धान हटाउन अनुरोध गरेका छन्।

तर यो समस्या केवल पडरियासम्म सीमित छैन — लुम्बिनी क्षेत्रका प्रायः सबै गाउँ र बस्तीतिर अहिले सडकमा धान सुकाउने प्रवृत्ति बढ्दै गएको छ।

यसले सवारी आवागमनमा अवरोध उत्पन्न गर्नुका साथै दुर्घटनाको जोखिम पनि बढाएको छ।नगर प्रहरीले स्थानीयहरूलाई सडक खाली राख्न अनुरोध गर्दै भनेका छन्

कि सार्वजनिक सडक सबैका लागि हो, त्यसैले त्यहाँ धान सुकाउँदा सम्भावित दुर्घटना हुन सक्छ। सडक खाली रहँदा आवागमन सहज हुने र दुर्घटनाको सम्भावना घट्ने भएकाले सबैलाई सहयोग गर्न आग्रह गरिएको छ।