admin
कपिलवस्तु जिल्लाको शिवराज नगरपालिकाको वडा नं. ०१ बनकसबासस्थित महेन्द्र राजमार्गमा आज विहान (बिहीबार) सवारी दुर्घटना भएको छ। उक्त दुर्घटनामा एक जनाको मृत्यु भएको छ भने पाँच जना घाइते भएका छन्।
आज राति करिब २ बजे काठमाडौंबाट धनगढीतर्फ जाँदै गरेको बा.प्र.०१–००६ ख ८५०६ नम्बरको यात्रु बस अनियन्त्रित भई सडकमा पल्टिँदा दुर्घटना भएको हो।
सो क्रममा बसले एक पैदल यात्रीलाई ठक्कर दिएको र बसमा सवार यात्रुहरू घाइते भएका छन्।दुर्घटनामा परेका अन्दाजी ५०/५५ वर्षका पहाडी मुलुकका पुरुष पैदल यात्रीलाई घटनास्थलबाट चन्द्रौटा आधारभूत स्वास्थ्य सेवा अस्पतालमा उपचारका लागि लैजाँदै गर्दा मृत्यु भएको प्रहरीले जनाएको छ।
हाल मृत्यु भएका व्यक्तिको नाम र ठेगाना खुलेको छैन।
