कपिलवस्तु–१ मा स्वतन्त्र उम्मेदवार आशिष शर्माको चुनावी अभियान जोर पकड्दै गएको छ। उनी जीप चुनाव चिन्ह लिएर प्रतिस्पर्धामा रहेका छन् र मतदाता भेटघाटमा सक्रिय देखिएका छन्।

शर्माले निजी क्षेत्रको अनुभव, व्यवस्थापन क्षमता र सामाजिक उत्तरदायित्वलाई राजनीतिसँग जोड्दै घरदैलो अभियान तीव्र पारेका छन्। उनले विकास, सुशासन र परिणाममुखी राजनीतिलाई आफ्नो प्राथमिकता रहेको बताउँदै आएका छन् ।

स्थानीय विकास, सडक तथा पूर्वाधार विस्तार, शिक्षा र स्वास्थ्य सेवा सुधार, रोजगारी सिर्जना लगायतका विषयहरू मुख्य चुनावी मुद्दा बनेका छन्। युवावर्ग र पहिलो पटक मतदान गर्ने मतदाताको सहभागिता उल्लेख्य देखिएको छ।

उनको स्वतन्त्र उम्मेदवारीले परम्परागत पार्टी भित्रकै मत विभाजन हुने खतरा बढेको छ। शर्माले शिक्षा, रोजगारी, सुशासन र स्थानीय विकासलाई आफ्नो प्रमुख चुनावी एजेन्डा बनाएको उल्लेख गर्दै जनताको विश्वास र समर्थनले आफूलाई जिताउने विश्वास व्यक्त गरेका छन्

अब, आशिष शर्माको चुनावी अभियानको लहर दिन प्रतिदिन बढ्दै गइरहेको छ