admin
कपिलवस्तु, बैशाख १४ — कपिलवस्तु जिल्लाको कृष्णानगर नगरपालिका–६ करमा बस्ने नेपाल सरकारका पूर्वमन्त्री ईश्वर दयाल मिश्र (विरेंद्र) लाई मातृशोक परेको छ।
उनकी आमा कलावती मिश्रको ८३ वर्षको उमेरमा आज (बैशाख १४) निधन भएको पारिवारिक स्रोतले जनाएको छ।स्वर्गीय मिश्रको अन्त्येष्टि बैशाख १७ गते बिहीबार कपिलवस्तुको वाणगंगा नदीस्थित बर्गदी घाटमा गरिने तयारी रहेको परिवारले जानकारी दिएको छ।
मिश्रकी आमाको निधनप्रति उनका इष्टमित्र, राजनीतिककर्मी, समाजसेवी तथा शिक्षाप्रेमीहरूले सामाजिक सञ्जाल र व्यक्तिगत भेटघाटमार्फत शोक व्यक्त गर्दै शोकाकुल परिवारप्रति समवेदना प्रकट गरेका छन्।
साथै, दिवंगत आत्माको चिरशान्तिको कामना गरिएको छ।
