कपिलवस्तु । वरिष्ठ अधिवक्ता श्रवण उपाध्याय (राजन) को आकस्मिक निधनको खबरले कानुनी क्षेत्र यतिबेला शोकमग्न बनेको छ। उहाँको निधनले न्यायिक तथा कानुनी क्षेत्रमा अपूरणीय क्षति पुगेको बताइएको छ।

उहाँले लामो समयदेखि कानुन तथा न्यायका क्षेत्रमा पुर्‍याउनुभएको महत्वपूर्ण योगदान, इमान्दारिता, व्यावसायिक दक्षता र सरल एवं मिलनसार व्यक्तित्वका कारण उहाँ सबैमाझ सम्मानित रहँदै आउनुभएको थियो।

उहाँको असामयिक निधनले सहकर्मी, शुभेच्छुक तथा कानुनी समुदायलाई मर्माहत बनाएको छ।दिवंगत आत्माप्रति भावपूर्ण श्रद्धाञ्जली अर्पण गर्दै शोकसन्तप्त परिवारजन, आफन्त तथा शुभेच्छुकहरूमा यो पीडा सहन सक्ने धैर्य, शक्ति र साहस प्राप्त होस् भनी ईश्वरसँग प्रार्थना गरिएको छ।