admin
कपिलवस्तु, २७ वैशाख २०८३ —यशोधरा गाउँपालिका वडा नं. १ को आयोजनामा सञ्चालन गरिएको निःशुल्क स्वास्थ्य शिविर कार्यक्रम सफलतापूर्वक सम्पन्न भएको छ।
ग्रामीण क्षेत्रका नागरिकलाई सहज रूपमा स्वास्थ्य सेवा उपलब्ध गराउने उद्देश्यले आयोजित शिविरमा कुल ४०९ जनाले स्वास्थ्य सेवा प्राप्त गरेका छन्।
प्राप्त विवरणअनुसार शिविरबाट २१४ जना पुरुष तथा १९५ जना महिलाले सेवा लिएका छन्। शिविरमा स्वास्थ्य परीक्षण, विशेषज्ञ परामर्श, रक्तचाप तथा मधुमेह जाँच, महिला तथा बाल स्वास्थ्य सेवा लगायत आवश्यक औषधि वितरणसमेत गरिएको थियो।
वडा अध्यक्ष श्री अब्दुल कय्युम खानको विशेष पहल तथा समन्वयमा सम्पन्न उक्त कार्यक्रममा स्थानीयवासीको उल्लेखनीय सहभागिता रहेको थियो।
सहभागीहरूले गाउँमै गुणस्तरीय स्वास्थ्य सेवा पाउँदा खुसी व्यक्त गरेका थिए।कार्यक्रम सफल बनाउन स्वास्थ्यकर्मी, जनप्रतिनिधि तथा सहयोगी सम्पूर्णप्रति आयोजकले आभार व्यक्त गरेको छ। साथै आगामी दिनमा पनि यस्ता जनमुखी कार्यक्रमलाई निरन्तरता दिइने जनाइएको छ।
