admin
कपिलबस्तु, जेठ २ गते —दलित सामाजिक विकास केन्द्रको आयोजना तथा यूनाइटेड मिशन टु नेपाल को आर्थिक सहयोग मा परिवर्तनका लागि बालबालिका, युवा र समुदाय” परियोजना अन्तर्गत परियोजनाका गतिविधि, उपलब्धि तथा बस्तीस्तर योजना निर्माण सम्बन्धी कार्यक्रम पालिकासँग छलफल कार्यक्रम सम्पन्न भएको छ।
कार्यक्रममा दलित सामाजिक विकास केन्द्रका कार्यकारी निर्देशक रामशरण रैदासले परियोजनाले गाउँपालिकाबाट सञ्चालन हुने विभिन्न क्रियाकलापलाई प्रभावकारी बनाउन सहयोग पुग्ने विश्वास व्यक्त गर्नुभयो।
परियोजना अधिकृत जितेन्द्र चौधरीले परियोजनाका गतिविधि तथा उपलब्धिबारे जानकारी गराउनुभएको थियो भने बस्तीस्तर योजना छनोटसम्बन्धी सहजीकरण मायादेवी गाउँपालिकाका सामाजिक विकास शाखा प्रमुख बैतुल्लाह धुनियाले गर्नुभएको थियो।
समुदाय युवा समाज कपिलवस्तु का अध्यक्ष अनुप चौधरीले महिला, बालबालिका तथा समुदायसँग सम्बन्धित बजेटको प्रभावकारी उपयोग हुनुपर्ने र त्यसबारे नागरिकलाई जानकारी गराउन आवश्यक रहेको बताउनुभयो।
उहाँले पालिकाबाट सञ्चालन हुने सम्पूर्ण कार्यक्रम नागरिकमैत्री, पारदर्शी र जवाफदेही हुनुपर्ने धारणा राख्नुभयो।त्यसैगरी सागरमाथा आत्मनिर्भर समूहकी मञ्जु पाण्डेले योजना तथा बजेट छनोट प्रक्रियामा महिलाको सहभागिता सुनिश्चित गरिनुपर्नेमा जोड दिनुभयो।
योजना शाखा प्रमुख रामकृष्ण तेलीले जनतामा नैतिक ज्ञान र चेतनाको आवश्यकता रहेको उल्लेख गर्दै सीमित बजेटका कारण सबै योजना एकैपटक कार्यान्वयन गर्न कठिन हुने बताउनुभयो। विकासका लागि सबै पक्षबीच सहकार्य आवश्यक रहेको उहाँको भनाइ थियो।
साथै, बस्तीस्तर योजना छनोट अभिमुखीकरण कार्यक्रम पालिका र समुदायबीच उपयुक्त समयमा आयोजना भएको उहाँले बताउनुभयो।कार्यक्रममा मायादेवी गाउँपालिका वडा नं. ८ का वडाध्यक्ष मुस्ताक अहमद खाँ, वडा नं. ६ का वडाध्यक्ष सन्दीप चौधरी, गाउँपालिकाका विभिन्न शाखाका प्रमुख तथा प्रतिनिधि, र वडा सचिव विद्यालयका शिक्षक, युवा क्लब तथा समूहका प्रतिनिधिहरूको सहभागिता रहेको थियो।
कार्यक्रम को सञ्चालन परशुराम हरिजनले गर्नुभएको थियो।दलित सामाजिक विकास केन्द्रकी अध्यक्ष सुरजमति पासीको अध्यक्षता मा कार्यक्रम सम्पन्न भएको थियो
