कपिलबस्तु, जेठ ५ गतेलुम्बिनी साँस्कृतिक नगरपालिका, रूपन्देही — लुम्बिनी साँस्कृतिक नगरपालिकाका कार्यवाहक नगरप्रमुख कल्पना हरिजनले सार्वजनिक जग्गा अतिक्रमण हटाउने अभियान आफ्नै घरबाट सुरु गरेका छन्।

नगर क्षेत्रमा सार्वजनिक जग्गाको संरक्षण तथा व्यवस्थापनलाई प्रभावकारी बनाउन अभियान सञ्चालन गरिएको नगरपालिकाले जनाएको छ।कार्यवाहक नगरप्रमुखले सार्वजनिक जग्गा अतिक्रमणमुक्त बनाउने क्रममा आफूबाटै उदाहरण प्रस्तुत गर्नुपर्ने भन्दै आफ्नै घरसँग सम्बन्धित सार्वजनिक क्षेत्र खाली गराउने कार्यको सुरुवात गरेका हुन्।

उनले कानुन सबैका लागि समान हुने र सार्वजनिक सम्पत्तिको संरक्षणमा कुनै पनि व्यक्ति वा पदाधिकारीलाई विशेष छुट नहुने बताए।नगरपालिकाका अनुसार सार्वजनिक जग्गा अतिक्रमण हटाउने अभियान आगामी दिनमा नगरका विभिन्न वडाहरूमा पनि निरन्तर सञ्चालन गरिनेछ। यस अभियानमार्फत सडक, नाला, चौतारी तथा अन्य सार्वजनिक प्रयोजनका जग्गाहरूलाई व्यवस्थित गर्ने लक्ष्य राखिएको छ।

स्थानीयवासीहरूले कार्यवाहक नगरप्रमुखले आफ्नै घरबाट अभियान सुरु गरेको कदमलाई सकारात्मक रूपमा लिँदै सार्वजनिक हितका विषयमा नेतृत्वले उदाहरण प्रस्तुत गरेको प्रतिक्रिया दिएका छन्।नगरपालिकाले सार्वजनिक जग्गा अतिक्रमण नगर्न तथा स्वेच्छाले खाली गर्न सम्बन्धित सबैलाई अनुरोध गरेको छ।