कपिलवस्तु जिल्लाको महाराजगञ्ज क्षेत्रमा समाजसेवा तथा मानव कल्याणको उद्देश्यले महाकाल युवाशक्ति नेपाल संस्था द्वारा कन्या विवाह कार्यक्रम आयोजना गरिएको छ।संस्थाका अनुसार विवाह समारोह २१ जुन २०२६ (आषाढ ७ गते, आइतबार) का दिन सम्पन्न हुनेछ।

यसअघि हल्दी कार्यक्रम २० जुन २०२६ (आषाढ ६ गते, शनिबार) तथा मिलन एवं बिदाइ कार्यक्रम २२ जुन २०२६ (आषाढ ८ गते, सोमबार) आयोजना गरिनेछ।

आयोजक संस्थाले सम्पूर्ण शुभेच्छुक, समाजसेवी तथा स्थानीय बासिन्दाहरूलाई कार्यक्रममा उपस्थित भई नवदम्पतीलाई आशीर्वाद प्रदान गर्न हार्दिक अनुरोध गरेको छ।

संस्थाका अनुसार यस्तो कार्यक्रमले सामाजिक सद्भाव, सहयोग तथा मानव सेवाको भावनालाई थप मजबुत बनाउने विश्वास लिइएको छ।विवाह बन्धनमा बाँधिन लागेका मनिषा भर र दिनेश राजभर लाई सुखद वैवाहिक जीवनको शुभकामना व्यक्त गर्दै महाकाल युवाशक्ति नेपाल संस्था का जिल्ला अध्यक्ष इन्द्रजीत यादव ले सबैको सहभागिताको अपेक्षा गरेको छन।