राजाराम चौधरीकपिलवस्तु । महाराजगञ्ज नगरपालिकाको वडा नं. १० हर्दौनामा रहेको बाढीको उच्च जोखिममा रहेको जोखिमयुक्त बस्तीको स्थलगत अनुगमन गरिएको छ।

नगर उपप्रमुख रीता कुमारी कुर्मी, प्रमुख प्रशासकीय अधिकृत हिमाल गौतम, प्रशासकीय अधिकृत निरञ्जन पौडेल लगायतको टोलीले जोखिमयुक्त बस्तीको स्थलगत निरीक्षण गर्दै स्थानीय अवस्था, सम्भावित जोखिम तथा आवश्यक सावधानीका विषयमा जानकारी लिएको हो।

बाढी तथा डुबानबाट हुन सक्ने सम्भावित क्षति न्यूनीकरण गर्न आवश्यक तयारी र सतर्कता अपनाउँदै स्थानीयवासीको सुरक्षालाई प्राथमिकतामा राखिएको नगरपालिकाले जनाएको छ।

सम्भावित विपद् व्यवस्थापन तथा क्षति न्यूनीकरणका लागि सम्बन्धित निकायसँग आवश्यक समन्वय भइरहेको समेत नगरपालिकाले जानकारी दिएको छ।