दुर्गेश मिश्राकपिलवस्तु, असोज ८ गते ।मायादेवी गाउँपालिका ५ मा राजनीतिक माहोल विस्तारै तातिन थालेको छ। निर्वाचन आउन अझै समय रहे पनि चोक–चौराहा, बजार तथा विभिन्न सामाजिक भेटघाटमा आगामी वडा अध्यक्षका सम्भावित उम्मेदवारबारे चर्चा सुरु भएको छ।

यसैबीच पूर्व वडा अध्यक्ष राजेन्द्र प्रसाद पाण्डे ( पप्पु )को नाम पछिल्लो समय स्थानीय राजनीतिक चर्चामा देखिन थालेको छ। वडा नेतृत्व सम्हालिसकेका पाण्डेको विगतको भूमिका जनसम्पर्क र स्थानीय विकाससँग जोडिएका विषयलाई लिएर नागरिक तहमा चर्चा हुन थालेको बताइन्छ।

पप्पु समर्थकहरूले उहाँको जनतासँगको प्रत्यक्ष सम्पर्क सरल व्यवहार र स्थानीय समस्याप्रतिको चासोलाई सकारात्मक रूपमा लिएको बताउने गरेका छन् तर आगामी निर्वाचनमा उहाँको उम्मेदवारी र राजनीतिक रणनीति भने औपचारिक रूपमा स्पष्ट भइसकेको छैन।

मायादेवी ५ मा चुनावी बहस बढ्दै जाँदा सडक तथा पूर्वाधार, शिक्षा, स्वास्थ्य, सरसफाइ, सार्वजनिक सेवा र सुशासन जस्ता स्थानीय मुद्दा पनि प्राथमिकतामा आउन थालेका छ मतदाताले विगतमा भएका कामसँगै आगामी दिनमा प्रस्तुत हुने योजना र प्रतिबद्धतालाई समेत महत्व दिने देखिन्छ।

आगामी दिनमा अन्य सम्भावित उम्मेदवार, राजनीतिक समीकरण र स्थानीय जनधारणाले चुनावी तस्वीरलाई थप स्पष्ट बनाउनेछ। त्यसैले अहिलेको चर्चा प्रारम्भिक राजनीतिक बहसका रूपमा हेर्न सकिन्छ मायादेवी–५ मा चर्चा सुरु भइसकेको छ, अब पप्पुको आगामी कदम के हुन्छ भन्ने विषयले स्थानीय राजनीतिमा थप चासो बढाएको छ।