लुम्बिनी, रुपन्देही ।

लुम्बिनी साँस्कृतिक नगरपालिका–४ का वडा अध्यक्ष विनोद कुमार श्रीवास्तवले जानकारी दिनुभएको छ कि आ.व. २०८२/०८३ को स्वीकृत वार्षिक कार्यक्रमअन्तर्गत वडा नं. ४ भित्रका कक्षा १० र कक्षा १२ (इंटर) मा रेगुलर रूपमा प्रथम तथा द्वितीय डिभिजनमा उत्तीर्ण भएका विद्यार्थीहरूलाई सम्मान तथा पुरस्कार वितरण गरिने भएको छ।

जारी सूचनामा उल्लेख भए अनुसार, योग्य विद्यार्थीहरूले आफ्नो शैक्षिक प्रमाणपत्र र आवश्यक कागजातसहित मिति २०८२/०७/१२ देखि २०८२/०७/२० भित्र वडा कार्यालयमा सम्पर्क गरी आवेदन दिनुपर्नेछ। उक्त अवधि ८ दिने सूचना अवधि हुनाले सो समयमा आवेदन नपुगेका विद्यार्थीहरू जानकारी गराउने अनुरोध सूचनामा समावेश गरिएको छ।

वडा अध्यक्षले बताए अनुसार, यो कार्यक्रमले विद्यार्थीमा अध्ययनप्रति उत्साह र प्रेरणा बढाउने तथा उत्कृष्ट विद्यार्थीहरूलाई प्रोत्साहन गर्ने उद्देश्य राखेको छ। मिति, समय र कार्यक्रमस्थलसम्बन्धी विस्तृत जानकारी भने पछि वडा कार्यालयबाट सार्वजनिक गरिनेछ।

आवश्यक कागजातहरू:१. हस्तलिखित निवेदन।२. नेपाली नागरिकता/जनम दर्ता प्रमाणपत्रको प्रतिलिपि (थान–१)।३. कक्षा १० वा कक्षा १२ (इंटर) को ग्रेडसिट/पास प्रमाणपत्रको प्रतिलिपि।

वडा कार्यालय, लुम्बिनी साँस्कृतिक नगरपालिका–४ ले इच्छुक तथा योग्य विद्धार्थीहरूलाई तोकिएको अवधिभित्र सम्पर्क गर्न अनुरोध गरेको छ।