admin
कपिलवस्तु: कपिलवस्तु नगरपालिकास्थित चोकबजारबाट स्रोत नखुलेको १४ लाख भारतीय रुपैयाँसहित प्रहरीले सोमबार दिउँसो एक जनालाई पक्राउ गरेको छ।
पक्राउ पर्नेमा मायादेवी गाउँपालिका–८ बरकुलका २१ वर्षीय अभिषेक कुमार गुप्ता रहेका छन्।विशेष सूचनाका आधारमा खटिएको प्रहरी टोलीले चोकबजारस्थित राजेश पान पसल नजिकै लु १८ प ८७४७ नम्बरको मोटरसाइकललाई पछ्याएको थियो।
मोटरसाइकल छाडेर भाग्ने क्रममा गुप्तालाई महेन्द्रगेट नजिकैबाट नियन्त्रणमा लिइएको प्रहरीले जनाएको छ।प्रहरी नायब उपरीक्षक रिपेन्द्र कुमार सिंहका अनुसार मोटरसाइकलको सिटमुनि र डिक्कीमा लुकाएर राखिएको अवस्थामा ५०० दरका २८ गड्डी भारतीय रुपैयाँ बरामद गरिएको हो।
उनलाई थप कारबाहीका लागि राजस्व अनुसन्धान कार्यालय बुटवल पठाइने प्रहरी नायब उपरीक्षक सिंहले बताए।
