admin
कपिलवस्तु, तौलिहवा — कपिलवस्तु जिल्लाको सदरमुकाम तौलिहवास्थित जिल्ला प्रशासन कार्यालय अगाडि आज अन्तर्राष्ट्रिय हिन्दू परिषद् र राष्ट्रिय बजरंग दलको आयोजनामा श्रद्धाञ्जली तथा दीप प्रज्वलन कार्यक्रम सम्पन्न भएको छ।
धर्म र संस्कृतिको संरक्षणका क्रममा ज्यान गुमाएका सनातनी हिन्दू अभियन्ता अरूण कुमार यादवको सम्झनामा आयोजित उक्त कार्यक्रममा सनातनी हिन्दू समाजका विभिन्न व्यक्तिहरूको उल्लेखनीय उपस्थिति रहेको थियो।
कार्यक्रममा सहभागीहरूले दीप प्रज्वलन गर्दै दिवंगत आत्माप्रति श्रद्धाञ्जली अर्पण गरेका थिए।कार्यक्रममा एक मिनेट मौनधारण गरी स्वर्गीय यादवप्रति सम्मान प्रकट गरिएको थियो।
सो अवसरमा अन्तर्राष्ट्रिय हिन्दू परिषद्का जिल्ला अध्यक्ष बिरेन्द्र प्रसाद चौधरीले मन्तव्य व्यक्त गर्दै यादवको योगदानको उच्च कदर गर्दै उहाँको सम्झना सधैं जीवित रहने बताए।
कार्यक्रममा उपस्थितहरूले “अरूण कुमार यादव अमर रहून्” भन्दै श्रद्धाञ्जली अर्पण गरेका थिए।कार्यक्रम साँझ ७ बजे सम्पन्न भएको आयोजकले जानकारी दिएको छ।
