कपिलवस्तु — 2082 साल चैत्र 26 गते!! शिवराज नगर युवा परिषदको उपाध्यक्ष श्री राजकुमार चौधरीको अध्यक्षतामा बैठक सम्पन्न भएको छ।

बैठकमा परिषदका पदाधिकारी तथा सदस्यहरूको उल्लेखनीय उपस्थिति रहेको थियो। बैठकमा विभिन्न समसामयिक तथा संस्थागत विषयहरूमा विस्तृत छलफल गरिएको थियो।

छलफलका क्रममा नगर युवा परिषदको आधिकारिक फेसबुक पेज निर्माण गर्ने निर्णय गरिएको छ, जसबाट परिषदका गतिविधिहरूलाई प्रभावकारी रूपमा सार्वजनिक गर्ने अपेक्षा गरिएको छ।

साथै, लामो समयदेखि निष्क्रिय रहेका सदस्यहरूको स्थानमा नयाँ तथा सक्रिय सदस्यहरू थप्ने विषयमा पनि सहमति भएको छ।त्यसैगरी, परिषदका गतिविधिहरूलाई व्यवस्थित बनाउन मासिक रूपमा नियमित बैठक सञ्चालन गर्ने निर्णय गरिएको छ। आगामी दिनमा परिषदका योजनाहरूलाई स्पष्ट दिशानिर्देश दिन कार्ययोजना निर्माण गर्ने विषयमा पनि जोड दिइएको छ।

परिषदको उद्देश्य, लक्ष्य र कार्यदिशालाई स्पष्ट पार्न प्रस्तावना तयार गरी सम्बन्धित निकायमा पेश गर्ने विषयमा समेत सहमति जुटेको छ।बैठकमा विविध शीर्षक अन्तर्गत अन्य आवश्यक विषयहरूमा समेत छलफल गरिएको परिषदले जनाएको छ।

यस बैठकले परिषदलाई अझ सक्रिय, व्यवस्थित र प्रभावकारी बनाउँदै युवा लक्षित कार्यक्रमहरूलाई तीव्रता दिने विश्वास गरिएको छ।