admin
कपिलवस्तु — हुलकी सडक अन्तर्गत तौलिहवाबाट बहादुरगंजतर्फ जाँदै गरेको भारतीय नम्बर प्लेटको मोटरसाइकल दुर्घटनामा एक जना भारतीय नागरिकको मृत्यु भएको छ।
युपी ५५ एवाई ०८३९ नम्बरको मोटरसाइकल महाराजगंज नगरपालिका–६ स्थित भलवारी चोक नजिकै डिभाइडरमा ठोक्किँदा भारत, उत्तरप्रदेश सिद्धार्थनगर ढबेरुवा थाना कमरियाग्रामका ३१ वर्षीय संजय मौर्य गम्भीर घाइते भएका थिए।
गम्भीर अवस्थामा रहेका मौर्यको उपचारका क्रममा बुधबार दिउँसो कपिलवस्तु अस्पतालमा मृत्यु भएको जिल्ला ट्राफिक कार्यालयले जनाएको छ।
