नयाँ वर्ष २०८३: लुम्बिनीमा, स्वदेशी– र विदेशी पर्यटकको उल्लेख्य उपस्थितिरुपन्देही — नयाँ वर्ष २०८३ को अवसरमा विश्व सम्पदा सूचीमा सूचीकृत तथा भगवान सिद्धार्थ गौतमको जन्मस्थल लुम्बिनीमा स्वदेशी तथा विदेशी गरी ३५ हजारभन्दा बढी पर्यटकले भ्रमण गरेका छन्।

नयाँ वर्षको पहिलो दिन बिहानैदेखि लुम्बिनी क्षेत्रमा पर्यटकको भीड लागेको थियो। नेपालका विभिन्न जिल्लाबाट आएका आन्तरिक पर्यटकसँगै अन्य देशबाट आएका विदेशी पर्यटकको पनि उल्लेख्य उपस्थिति देखिएको थियो।

पर्यटकहरूले मायादेवी मन्दिर, अशोक स्तम्भ, पवित्र पुष्करणी पोखरी लगायतका ऐतिहासिक तथा धार्मिक स्थलहरूको अवलोकन गरेका थिए।

कतिपयले पूजा–अर्चना गर्दै नयाँ वर्षको सुरुवात गरेका थिए भने धेरैले परिवार, साथीभाइ तथा समूहमा घुमफिर गर्दै रमाइलो गरेका थिए।लुम्बिनी क्षेत्र दिनभरि चहलपहलपूर्ण बनेको थियो।

पर्यटकहरूले फोटो खिच्ने, भिडियो बनाउने तथा सामाजिक सञ्जालमार्फत आफ्नो अनुभव साझा गर्ने गतिविधि पनि व्यापक देखिएको थियो।सम्बन्धित निकायका अनुसार पछिल्ला वर्षहरूमा लुम्बिनीमा आन्तरिक तथा बाह्य पर्यटकको संख्या निरन्तर बढ्दै गएको छ, विशेषगरी नयाँ वर्ष, बुद्ध जयन्ती र अन्य सार्वजनिक बिदाका अवसरमा ठूलो संख्यामा आगन्तुक आउने गरेका छन्।

पर्यटकको बढ्दो चापलाई व्यवस्थापन गर्न सुरक्षा व्यवस्था कडा पारिनुका साथै सरसफाइ, यातायात र सूचना सेवामा समेत सुधार गरिएको जनाइएको छ।लुम्बिनीमा यसरी बढ्दो पर्यटक आगमनले धार्मिक तथा सांस्कृतिक पर्यटन प्रवर्द्धनमा सकारात्मक संकेत दिएको सरोकारवालाहरूले बताएका छन्।