admin
कपिलवस्तुमा भव्य रूपमा सुरु भयो १० औ प्राचीन कपिलवस्तु महोत्सव
जिल्लाको समग्र विकासलाई टेवा पुर्याउने लक्ष्यसहित “धार्मिक स्थलहरूको प्रवर्द्धन, पर्यटन, कृषि, उद्योग र व्यापार” भन्ने मूल नाराका साथ महोत्सव आयोजना गरिएको हो।
स्थानीय कला, संस्कृति संरक्षण, पर्यटन प्रवर्द्धन तथा स्थानीय उत्पादनलाई प्रोत्साहन गर्ने उद्देश्यले तौलिहवा उद्योग वाणिज्य संघ को आयोजनामा महोत्सव सञ्चालनमा आएको हो।
बैशाख ४ गतेदेखि १५ गतेसम्म सञ्चालन हुने यो महोत्सव बुद्धपद्म माविको खेल मैदान मा आयोजना गरिएको छ।महोत्सव अवधिभर विभिन्न सांस्कृतिक कार्यक्रम, स्थानीय तथा राष्ट्रिय कलाकारहरूको प्रस्तुति, कृषि तथा औद्योगिक प्रदर्शनी, व्यापारिक स्टलहरू लगायतका आकर्षक कार्यक्रमहरू रहने आयोजकले जनाएको छ।
यसबाट स्थानीय उत्पादनको बजारीकरणमा सहयोग पुग्ने विश्वास लिइएको छ भने आन्तरिक तथा बाह्य पर्यटन प्रवर्द्धनमा पनि महत्वपूर्ण टेवा पुग्ने अपेक्षा गरिएको छ।महोत्सवको उद्घाटन आज साँझ ८ बजे प्रतिनिधि सभा सदस्य विक्रम सिंह थापा द्वारा गरिने कार्यक्रम तय गरिएको छ।
