कपिलवस्तु बैशाख २३ – कपिलवस्तुको ले आफ्नो क्षेत्रभित्र अतिक्रमण गरिएका सरकारी तथा सार्वजनिक जग्गा १५ दिनभित्र खाली गर्न निर्देशन दिएको छ । गाउँपालिकाले सार्वजनिक सूचना जारी गर्दै अतिक्रमण गरी व्यक्तिगत प्रयोगमा ल्याइएका सम्पूर्ण सार्वजनिक सम्पत्ति तत्काल खाली गर्न आग्रह गरेको हो ।

गाउँ कार्यपालिकाको कार्यालय पकडीबाट जारी सूचनामा नेपाल सरकार गृह मन्त्रालय तथा संघीय मामिला तथा सामान्य प्रशासन मन्त्रालयको निर्देशनअनुसार सार्वजनिक जग्गा संरक्षण सम्बन्धी व्यवस्था कार्यान्वयनमा ल्याइएको उल्लेख गरिएको छ ।

सोही व्यवस्थाअनुसार गाउँपालिका क्षेत्रभित्र सार्वजनिक जग्गा अतिक्रमण गरी बनाइएका घर, बाटो, कुलो, पोखरी लगायतका संरचना हटाउन अभियान सञ्चालन गरिने जनाइएको छ ।सूचनामा भनिएको छ, “सार्वजनिक जग्गा अतिक्रमण गरी घरटहरा निर्माण, खेतीपाती वा अन्य कुनै प्रयोजनमा प्रयोग गरिएको पाइएमा १५ दिनभित्र स्वेच्छिक रूपमा हटाउन सम्बन्धित सबैलाई जानकारी गराइन्छ ।

”तोकिएको समयसीमाभित्र अतिक्रमण हटाउन अटेर गरेमा गाउँपालिकाले प्रचलित कानुनअनुसार बलपूर्वक खाली गराउने र त्यसबाट लाग्ने सम्पूर्ण खर्च सम्बन्धित व्यक्तिबाट असुल गरिने चेतावनी समेत दिइएको छ ।

गाउँपालिकाका प्रमुख प्रशासकीय अधिकृत द्वारा हस्ताक्षरित सूचनामा सार्वजनिक सम्पत्तिको संरक्षणमा सबै नागरिकको सहकार्य आवश्यक रहेको उल्लेख गर्दै अतिक्रमण सम्बन्धी सूचना भए वडा कार्यालय वा गाउँपालिकामा जानकारी गराउन आग्रह गरिएको छ ।स्थानीय तहले सार्वजनिक सम्पत्तिको संरक्षणमा सक्रियता बढाएसँगै मायादेवी क्षेत्रमा अतिक्रमण विरुद्धको अभियान थप कडाइका साथ अगाडि बढ्ने संकेत देखिएको छ ।