कपिलवस्तु, जेठ २४ गते।

कपिलवस्तु, नेकपा (एमाले)का नेता तथा कपिलवस्तु निर्वाचन क्षेत्र नं. ३ का पूर्व सांसद मङ्गलप्रसाद गुप्ता (मङ्गल चाचा)को उपचारका क्रममा निधन भएको छ।

भारतको दिल्लीस्थित मेदन्ता अस्पतालमा उपचाररत गुप्ताको करिब ८० वर्षको उमेरमा हृदयघातका कारण निधन भएको छ। उपचारकै क्रममा अचानक हृदयघात भएपछि चिकित्सकहरूले उनलाई मृत घोषणा गरेका हुन्।

पूर्व सांसद गुप्ताको निधनसँगै कपिलवस्तु जिल्लासहित राजनीतिक तथा सामाजिक क्षेत्रमा शोकको लहर छाएको छ। सरल, मिलनसार तथा जनप्रिय नेताका रूपमा परिचित गुप्ता लामो समयदेखि राजनीतिक र सामाजिक सेवामा सक्रिय रहँदै आएका थिए।

उनी २०७९ सालको प्रतिनिधिसभा निर्वाचनमा कपिलवस्तु क्षेत्र नं. ३ बाट सांसद निर्वाचित भएका थिए। पञ्चायतकालदेखि बहुदलीय व्यवस्था हुँदै संघीय लोकतान्त्रिक गणतन्त्र स्थापनासम्म उनले निरन्तर राजनीतिमा सक्रिय भूमिका निर्वाह गरेका थिए।

उनको निधनप्रति विभिन्न राजनीतिक दलका नेता, कार्यकर्ता, समाजसेवी तथा शुभेच्छुकहरूले गहिरो दुःख व्यक्त गर्दै भावपूर्ण श्रद्धाञ्जली अर्पण गरेका छन्। गुप्ताको गृहनगर कृष्णनगरमा आफन्त, स्थानीय बासिन्दा तथा व्या