कपिलवस्तु, जेठ २५ गते। कपिलवस्तु, नेपाली कांग्रेस कपिलवस्तुमा आन्तरिक विवाद र गुटगत खिचातानी बढिरहेका बेला जिल्ला सहसचिव वाजिह अरशदले आफ्नो पदबाट राजीनामा दिएका छन्।

उनको राजीनामापछि जिल्ला राजनीतिमा विभिन्न चर्चा र टिप्पणीहरू सुरु भएका छन्। कांग्रेस नेता परमेश्वर सी.डी .यो.पाठकका अनुसार पार्टीभित्र केही नेताहरूको व्यवहार, निर्णय प्रक्रियामा देखिएको असन्तुलन तथा बढ्दो आन्तरिक विवादका कारण अरशदले पदबाट अलग हुने निर्णय लिनुपरेको हो।

पाठकले.वजीह अरशद लाई इमानदार, सक्रिय तथा जनतामाझ लोकप्रिय नेताका रूपमा वर्णन गर्दै पार्टीभित्रको वर्तमान वातावरणप्रति असन्तुष्टि व्यक्त गरे। उनले पार्टी संगठनलाई बलियो बनाउन नेतृत्वले आन्तरिक समस्याहरूको समाधानमा गम्भीर पहल गर्नुपर्ने बताए।

 उनले कपिलवस्तु जिल्लामा नेपाली कांग्रेस क्रमशः कमजोर बन्दै गएको दाबी गर्दै कार्यकर्ता र जनताको भावना सम्बोधन गर्न नसके पार्टीले आगामी दिनमा थप चुनौती सामना गर्नुपर्ने यो.पाठक को भनई। यता,वजीह अरशद को राजीनामाबारे जिल्ला कार्यसमितिको आधिकारिक प्रतिक्रिया आउन बाँकी रहेको छ।

राजनीतिक वृत्तमा भने यस घटनाले कांग्रेस कपिलवस्तुको आन्तरिक अवस्था र संगठनात्मक एकतामाथि थप प्रश्न उठाएको चर्चा भइरहेको छ।