कपिलवस्तु, जेठ २५ गते। राष्ट्रिय स्वतन्त्र पार्टी (रास्वपा) कपिलवस्तुको जिल्ला सभापतिमा शिवकुमार सुवेदी दोस्रो कार्यकालका लागि भारी मतान्तरसहित निर्वाचित भएका छन्।निर्वाचन मण्डलका सदस्य रमेश मिश्राका अनुसार सुवेदीले आफ्ना निकटतम प्रतिद्वन्द्वी विक्रम थापालाई १७० मतान्तरले पराजित गर्दै सभापतिमा पुनः विजय हासिल गरेका हुन्।

सुवेदीले २३५ मत प्राप्त गर्दा थापाले ६५ मत मात्र पाए।उपसभापतिमा रामनिवास पुरी १८० मतसहित निर्वाचित भएका छन्। उनका प्रतिस्पर्धी चिरञ्जीवी आचार्यले ८२ र अनुप मरासिनीले ३२ मत प्राप्त गरेका थिए।त्यसैगरी, सचिव पदमा यमलाल आचार्य २०९ मतसहित विजयी भएका छन्। सचिवका अन्य उम्मेदवार गुरुदेव पौडेलले ६० तथा सुशील खत्रीले ४४ मत प्राप्त गरेका थिए।सहसचिव पदमा देवेन्द्र कुमार शर्मा १२३ मतसहित निर्वाचित भएका छन्।

सहसचिवका उम्मेदवार माहोम्मद ईदमुसलमानले ९६, विलाल पौडेलले ४७ र कृति मल्लले ३२ मत प्राप्त गरेका थिए।अन्य निर्वाचित पदाधिकारी तथा सदस्यहरूमा मुस्लिम क्लस्टरतर्फ माहोम्मद मोहसिन कमाल निर्वाचित भएका छन्। क्षेत्र नं. १ बाट जिल्ला सदस्यमा रबिन कार्की विजयी भएका छन्।क्षेत्र नं. २ बाट जिल्ला सदस्यमा शिवपुजन चाई र विनोद केवट निर्वाचित भएका छन् भने क्षेत्र नं. ३ बाट दीपक रजौरिया जिल्ला सदस्यमा निर्वाचित भएका छन्।

साथै, क्षेत्र नं. ३ को उपसंयोजक पदमा तेजप्रसाद पौडेल विजयी भएका छन्।नवनिर्वाचित नेतृत्वले संगठन सुदृढीकरण, जनसम्पर्क विस्तार तथा पार्टीका कार्यक्रमलाई प्रभावकारी रूपमा अघि बढाउने प्रतिबद्धता व्यक्त गरेको छ।