कपिलवस्तु । कपिलवस्तु जिल्लाको शिवराज नगरपालिका–८, विशुनपुर। श्री बालज्योति माध्यमिक विद्यालय, विशुनपुरमा कक्षा ११ सञ्चालन भएपछि अध्ययन सुरु गर्ने पहिलो विद्यार्थीहरूलाई शिवराज नगरपालिकाका नगर प्रमुख अजय थापाले उज्ज्वल भविष्यको शुभकामना व्यक्त गर्नुभएको छ।

नगर प्रमुख थापाले विद्यार्थीहरूलाई मेहनत, अनुशासन र लगनशीलताका साथ अध्ययन गर्दै आफ्नो, परिवार, विद्यालय तथा शिवराज नगरपालिकाको नाम उच्च राख्न सफल होऊन् भन्ने शुभकामना व्यक्त गर्नुभएको हो।

विद्यालयमा कक्षा ११ सञ्चालन भएसँगै स्थानीय विद्यार्थीहरूले आफ्नै क्षेत्रमा उच्च शिक्षा अध्ययन गर्ने अवसर पाएका छन्। कक्षा ११ का पहिलो विद्यार्थीहरूलाई शिवराज–८ का भविष्यका कर्णधारका रूपमा लिँदै उनीहरूको सफल शैक्षिक यात्राको कामना गरिएको छ।