admin
कपिलवस्तु । कपिलवस्तु जिल्लाको कृष्णनगर नगरपालिकामा अवस्थित तक़वा स्कुल अफ एक्सिलेन्सले सामाजिक उत्तरदायित्वअन्तर्गत प्रधानमन्त्री दैवी प्रकोप उद्धार कोषमा रु. ४६,१०० आर्थिक सहयोग गरेको छ।विपद्का कारण प्रभावित तथा पीडित नागरिकको राहत र उद्धार कार्यमा सहयोग पुगोस् भन्ने उद्देश्यले विद्यालयले विद्यार्थीहरूको सहयोगमा उक्त रकम प्रदान गरेको जनाएको छ।
विद्यालय परिवारले विपद्को समयमा सबैले आ–आफ्नो क्षेत्रबाट सहयोग गर्नुपर्ने आवश्यकता रहेको बताउँदै सहयोगमार्फत मानवीय सेवामा योगदान पुर्याउने प्रयास गरिएको जनाएको छ।विद्यालयको यस सहयोगले विपद् प्रभावित नागरिकको राहत तथा पुनःस्थापनाका लागि थप सहयोग पुग्ने विश्वास गरिएको छ।
विद्यालयले आगामी दिनमा पनि सामाजिक तथा मानवीय सेवाका क्षेत्रमा आफ्नो योगदानलाई निरन्तरता दिने प्रतिबद्धता व्यक्त गरेको छ।
