admin
राजाराम चौधरी, कपिलवस्तु । कपिलवस्तु जिल्लाको कृष्णनगर नगरपालिका अन्तर्गत पर्ने कृष्णनगरमा भारतबाट अवैध रूपमा नेपाल भित्र्याउँदै गरेको अवस्थामा ठूलो परिमाणमा माछा बरामद भएको छ।
कृष्णनगर सशस्त्र प्रहरी बल, नेपाल प्रस्तावित गुल्म कृष्णनगरको मातहत क्षेत्रमा खटिएको सशस्त्र प्रहरी टोलीले विभिन्न स्थानमा चेकजाँच तथा निगरानीका क्रममा भारतबाट अवैध रूपमा नेपाल ल्याउँदै गरेको ४ सय किलो माछा बरामद गरेको हो।
सशस्त्र प्रहरीका अनुसार बरामद गरिएको माछाको अनुमानित मूल्य १ लाख २० हजार रुपैयाँ रहेको छ।माछा ओसारपसारमा प्रयोग गरिएका ५ वटा साइकल समेत नियन्त्रणमा लिइएको प्रहरीले जनाएको छ।
बरामद गरिएको माछा आवश्यक प्रक्रिया पूरा गरी नष्ट गरिएको जनाइएको छ।सीमा क्षेत्रमा हुने अवैध ओसारपसार तथा चोरी–तस्करी नियन्त्रणका लागि निगरानीलाई थप कडाइ गर्ने सशस्त्र प्रहरीले जनाएको छ।
