दुर्गेश मिश्रा कपिलवस्तु असोज १९गते । यशोधरा गाउँपालिका ४ मा आगामी स्थानीय निर्वाचनलाई लक्षित गर्दै राजनीतिक माहोल विस्तारै तातिन थालेको छ। निर्वाचन आउन अझै समय रहे पनि चोक चौराहा बजार तथा विभिन्न सामाजिक भेटघाटमा सम्भावित वडा अध्यक्षका उम्मेदवारबारे चर्चा सुरु भएको छ।

यसैबीच युवा समाजसेवी शैलेन्द्र सिंह कुर्मी ( राहुल )को नाम पनि स्थानीय राजनीतिक चर्चामा देखिन थालेको छ राहुलले निरन्तर रूपमा वडामा विभिन्न सामाजिक गतिविधि तथा स्थानीयस्तरमा सहयोग गर्दै आएको उनका समर्थकहरूको भनाइ छ।

समर्थकहरूका अनुसार उहाँको जनतासँगको प्रत्यक्ष सम्पर्क, सरल व्यवहार र स्थानीय समस्याप्रतिको चासोलाई सकारात्मक रूपमा लिइएको छ। यद्यपि आगामी निर्वाचनमा उहाँको उम्मेदवारी र राजनीतिक रणनीतिबारे भने औपचारिक घोषणा भइसकेको छैन।

यशोधरा ४ मा चुनावी बहस बढ्दै जाँदा सडक तथा पूर्वाधार, शिक्षा, स्वास्थ्य, सरसफाइ, सार्वजनिक सेवा र सुशासनजस्ता स्थानीय मुद्दा पनि प्राथमिकतामा आउन थालेका छन् मतदाताले विगतमा भएका कामसँगै आगामी दिनमा प्रस्तुत हुने योजना प्रतिबद्धता र जनतासँगको सम्बन्धलाई समेत महत्व दिने देखिन्छ।

आगामी दिनमा सम्भावित उम्मेदवार राजनीतिक समीकरण र स्थानीय जनधारणाले चुनावी तस्वीर थप स्पष्ट बनाउनेछ। अहिले भने शैलेन्द्र सिंह कुर्मी ( राहुल )को सक्रियता र आगामी कदमलाई लिएर यशोधरा–४ मा स्थानीयस्तरमा चासो बढ्न थालेको छ।