admin
मायादेबी गाउँपालिका–२ मा स्वतन्त्र उम्मेदवार आशिष शर्मालाई स्थानीयवासीहरूले भव्य स्वागत गरेका छन्।
घरदैलो तथा भेटघाट कार्यक्रमका क्रममा जनताले उनलाई टीका, माला र खादा लगाएर स्वागत गर्दै आगामी निर्वाचन फागुन २१ का लागि आशीर्वाद दिएका छन।
स्थानीय बासिन्दाहरूले क्षेत्रको विकास, रोजगारी सिर्जना, शिक्षा र स्वास्थ्य सेवामा सुधारको अपेक्षा राख्दै शर्मालाई समर्थन जनाएका छन्।
कार्यक्रममा सहभागी युवाहरूले परिवर्तन र पारदर्शिताका पक्षमा आफूहरू उभिएको बताएका थिए।उम्मेदवार शर्माले जनताको विश्वासलाई सम्मान गर्दै आफू जनताकै सेवामा समर्पित रहने प्रतिबद्धता व्यक्त गरे।
उनले क्षेत्रको समग्र विकास, पूर्वाधार निर्माण र सामाजिक सद्भाव मजबुत बनाउने आफ्नो प्राथमिकता रहेको बताए।कार्यक्रम उत्साहपूर्ण वातावरणमा सम्पन्न भएको छ !
