कपिलवस्तु-२ मा प्रतिनिधि सभा निर्वाचन नजिकिँदै जाँदा कपिलवस्तु निर्वाचन क्षेत्र नम्बर–२मा नेपाली कांग्रेसले आफ्नो चुनावी अभियानलाई तीव्र बनाएको छ ।

गाउँ–टोल केन्द्रित कार्यक्रम, घरदैलो अभियान र ठाउँ–ठाउँमा सम्पर्क कार्यालय उद्घाटन गर्दै कांग्रेस मैदानमा सक्रिय देखिएको छ । कांग्रेसको यो सक्रियताले क्षेत्रको चुनावी माहोल थप तातेको छ ।

कांग्रेसका उम्मेदवार सुरेन्द्रराज आचार्य ले क्षेत्र नम्बर–२ मा कांग्रेसको संगठनात्मक अवस्था मजबुत रहेको जनतासँग प्रत्यक्ष सम्पर्क नै आफ्नो मुख्य शक्ति भएको बताएका छन् । “यो क्षेत्रमा कांग्रेस सबैभन्दा माथि छ, भने, “हामी प्रचारका लागि मात्र होइन, मतदाताका गुनासा सुन्न र समाधानको बाटो खोज्न मैदानमा उत्रिएका हौं ।

”चुनावी अभियानका क्रममा कांग्रेस टोलीले किसान, मजदुर, युवा, महिला तथा व्यवसायीहरूसँग प्रत्यक्ष संवाद गरिरहेको छ । स्थानीय मतदाताले कृषि मल–बिउको समस्या, सिँचाइ, बेरोजगारी, शिक्षा र स्वास्थ्य सेवाको पहुँच, सडक र खानेपानी जस्ता आधारभूत विषय उठाइरहेका छन् ।

उम्मेदवार आचार्यले यी विषयलाई संसदमा प्रभावकारी रूपमा उठाउने प्रतिबद्धता जनाएका छन् ।स्थानीय मतदाताहरू कांग्रेसको अभियानप्रति सकारात्मक देखिएका छन् । उनीहरूका अनुसार उम्मेदवार र पार्टी नेतृत्व प्रत्यक्ष गाउँमै आएर समस्या सुन्नु र संवाद गर्नु सकारात्मक संकेत हो ।

“नेता चुनावमा मात्र होइन, समस्या बुझ्न पनि आउनुपर्छ,” एक स्थानीय मतदाताले भने, आचार्य को टोली गाउँमै आएर हाम्रो कुरा सुन्दैछ, यो राम्रो संकेत हो कांग्रेस नेताहरूको भनाइ छ । विशेषगरी युवा मतदाता कांग्रेसप्रतिको विश्वास पुनःस्थापित हुँदै गएको संकेत कपिलवस्तु–२ मा देखिएको छ ।

कांग्रेसले मतदाता केन्द्रित अभियानलाई निरन्तरता दिदै कपिलवस्तु–२ मा चुनावी प्रतिस्पर्धामा बलियो उपस्थिती छ । जनताको मुद्दा उठाउने, सुशासन र विकासको एजेन्डालाई प्राथमिकतामा राखेको कांग्रेसको अभियानले अन्तिम मतपरिणाममा महत्वपूर्ण प्रभाव पारेको छ ।

कांग्रेसको आक्रामक अभियान, संगठन र मतदातासँगको प्रत्यक्ष संवादले कपिलवस्तु–२ को चुनावलाई निर्णायक मोडतर्फ लैजाँदै गरेको छ ।