कपिलवस्तुको महाराजगंजमा स्थानिय प्रशासनले निषेधाज्ञा जारी गरेको छ ।

हिन्दु र मुस्लिम समुदायबीचको विवाद चर्किन नदिन जिल्ला प्रशासन कार्यालय कपिलवस्तुले दिउँसो २ बजेदेखि निषेधाज्ञा जारी गरेको हो जिल्ला प्रशासन कार्यालयले जारी गरेको सुचना अनुसार

महाराजगन्जको पूर्वमा बर्गदी पुल, पश्चिममा बहादुरगन्ज चोक, उत्तरमा महाराजगन्ज बजार र दक्षिणमा हर्दौना क्षेत्रमा कुनै पनि किसिमको भेला गर्न, सभा, जुलुश तथा प्रदर्शन गर्न निषेधाज्ञा जारी गरिएको छ ।

नि प्रमुख जिल्ला अधिकारी भविश्वर घिमिरेका अनुसार महाराजगन्जको वडा नं २ र ३ को सीमा क्षेत्रमा मुस्लिमको ईद र हिन्दुहरुको नवरात्र मनाउने क्रममा उत्पन्न विवाद बढ्दै गएपछि निषेधाज्ञा जारी गर्नुपर्ने अबस्था आएको हो । प्रहरीले दुवै पक्षलाई संयमता अपनाउन आग्रह गरेको छ।