कपिलवस्तुमा हिन्दु युवाहरू पक्राउ गरिएको घटनाप्रति आपत्ति जनाउँदै निष्पक्ष छानबिनको माग गरेको छ।
संस्थाले जारी गरेको प्रेस विज्ञप्तिअनुसार कपिलवस्तु जिल्लाको महाराजगञ्ज नगरपालिका–२ मा मन्दिरमाथि भएको आक्रमणप्रति गम्भीर ध्यानाकर्षण भएको जनाएको छ। मन्दिरमाथि आक्रमण गर्ने दोषीमाथि कानुनी कारबाही हुनुपर्ने माग गर्दै आएको संस्थाले पीडित पक्षका हिन्दु युवाहरूलाई नै पक्राउ गरिएको भन्दै असन्तुष्टि जनाएको छ।

विज्ञप्तिमा घटनापछि स्थानीय पीडित पक्षका युवामाथि गोली प्रहार गरिएको र त्यसपछि उनीहरूलाई पक्राउ गरिएको उल्लेख छ। यसले अवस्थालाई झन् तनावपूर्ण बनाएको संस्थाको भनाइ छ।

संस्थाले पक्राउ परेका युवाहरूलाई बिना सर्त रिहा गर्न माग गर्दै पीडित पक्षमाथि प्रशासनले अनावश्यक दबाब सिर्जना गरेको आरोप लगाएको छ। यस्ता गतिविधिले न्याय प्रणालीप्रति प्रश्न उठाउने पनि उल्लेख गरिएको छ।

यदि पक्राउ परेका युवाहरूलाई तत्काल रिहा नगरिए सम्बन्धित निकायलाई जिम्मेवार ठहर गर्दै आन्दोलनमा जान बाध्य हुने चेतावनी समेत दिइएको छ।
संस्थाले सम्पूर्ण हिन्दु समुदायलाई एकताबद्ध भई न्यायको पक्षमा उभिन आह्वान पनि गरेको छ।