कपिलवस्तुको चन्द्रौटामा Global Money Week को अवसरमा बैंक तथा वित्तीय संस्था, बीमा कम्पनी र सहकारी संस्थाहरूले प्रभातफेरी कार्यक्रम सम्पन्न गरेका छन्।

“Learn, Save and Earn” भन्ने मूल नारासहित आयोजना गरिएको उक्त प्रभातफेरी चन्द्रौटा बजार क्षेत्रमा निकालिएको थियो। कार्यक्रममा सहभागीहरूले विभिन्न सन्देशमूलक प्लेकार्ड र ब्यानरहरू बोकेर वित्तीय साक्षरता, बचतको महत्व तथा आम्दानी व्यवस्थापन सम्बन्धी जनचेतना फैलाएका थिए।

प्रभातफेरीमा बैंक तथा वित्तीय संस्था, बीमा कम्पनी र सहकारीका कर्मचारी तथा सदस्यहरूको उल्लेखनीय सहभागिता रहेको थियो। कार्यक्रममा “Smart Money Talks” सम्बन्धी जानकारी दिँदै शाइन रेसुङ्गा बैंक चन्द्रौटा शाखा प्रमुख प्रकाश शर्मा र सूर्यज्योति लाइफ इन्सोरेन्स चन्द्रौटा शाखा प्रमुख युवराज पौडेलले वित्तीय अनुशासन, बचत गर्ने बानी र भविष्य सुरक्षित गर्ने उपायबारे प्रकाश पारेका थिए।

उक्त कार्यक्रमले स्थानीय समुदायमा वित्तीय सचेतना अभिवृद्धि गर्ने विश्वास आयोजकहरूले व्यक्त गरेका छन्।