कपिलवस्तु, — जिल्लाको यशोधरा गाउँपालिकामा जनस्वास्थ्य अधिकृतको दरबन्दी व्यवस्थापन गर्न माग उठेको छ।

गाउँपालिकाभित्र रहेका विभिन्न स्वास्थ्य संस्थाका प्रमुखहरूले यस विषयमा ध्यानाकर्षण गराउँदै ज्ञापनपत्र बुझाएका छन्।

गाउँपालिकाभित्र रहेका सात वटा स्वास्थ्य चौकीका प्रमुखहरूले प्रमुख प्रशासकीय अधिकृत निराजनराज लम्साललाई संयुक्त रूपमा ज्ञापनपत्र बुझाएका हुन्। उनीहरूले स्वीकृत संगठन संरचना अनुसार जनस्वास्थ्य अधिकृतको व्यवस्था हुनुपर्नेमा जोड दिएका छन्।

ज्ञापनपत्रमा हाल जनस्वास्थ्य अधिकृतको अभावका कारण स्वास्थ्य सेवा प्रवाह प्रभावित भएको उल्लेख गरिएको छ। सेवा प्रवाहलाई प्रभावकारी, व्यवस्थित तथा गुणस्तरीय बनाउन जनस्वास्थ्य अधिकृतको भूमिका महत्वपूर्ण हुने

उनीहरूको भनाइ छ।त्यसैगरी, उनीहरूले जनस्वास्थ्य अधिकृत दिपेन्द्र कुमार साहनीलाई यशोधरा गाउँपालिकाको स्वास्थ्य इकाइमा सरुवा गरी जिम्मेवारी दिन आग्रह गरेका छन्।स्वास्थ्य संस्था प्रमुखहरूले स्वीकृत दरबन्दी अनुसार कर्मचारी व्यवस्थापन गर्न तथा स्वास्थ्य सेवा सुदृढ बनाउन सम्बन्धित निकायसँग शीघ्र पहल गर्न माग गरेका छन्।