रूपन्देही — रूपन्देहीको मर्चवारिमाई–३ सिसो सेमरा स्थित श्रीमती मनराजी देवी माध्यमिक विद्यालयका सहायक लाइब्रेरियन विकास यादवलाई बलात्कार आरोप सम्बन्धी मुद्दामा अनुसन्धान भइरहेका कारण निलम्बन गरिएको छ।

विद्यालय प्रशासनका अनुसार इलाका प्रहरी कार्यालय मर्चवारबाट प्राप्त पत्रको आधारमा यादवमाथि जबरजस्ती करणी सम्बन्धी आरोपमा अनुसन्धान अघि बढाइएको छ।

अनुसन्धानको अन्तिम निष्कर्ष नआउँदासम्म उनलाई पदबाट अलग राख्ने निर्णय गरिएको विद्यालयले जनाएको छ।विद्यालय व्यवस्थापन समितिको २०८३ साल वैशाख २३ गते बसेको बैठकले उक्त निर्णय गरेको हो। प्रधानाध्यापक हृदयराम यादव द्वारा जारी पत्रमा अनुसन्धान प्रक्रियालाई असर नपरोस् र विद्यालयको अनुशासन कायम रहोस् भन्ने उद्देश्यले निलम्बन गरिएको उल्लेख गरिएको छ।

यस घटनाले स्थानीय क्षेत्रमा चर्चा पाएको छ भने अनुसन्धानको निष्कर्षलाई लिएर सर्वसाधारणको ध्यान केन्द्रित भएको छ।