admin
कपिलवस्तु — कपिलवस्तुको श्री अनिरुद्ध पब्लिक माध्यमिक विद्यालय, बैदौलीका प्रधानाध्यापक रमेश पाण्डेले विद्यालयमा आर्थिक अनियमितता भएको भन्ने आरोपको कडा खण्डन गरेका छन्।
हालै केही सञ्चारमाध्यम र सामाजिक सञ्जालमा विद्यालयको रकम हिनामिना भएको भन्ने समाचार प्रकाशित भएपछि उनले त्यसलाई पूर्ण रूपमा असत्य र भ्रामक भएको बताएका हुन्।प्रधानाध्यापक पाण्डेले भने विद्यालयको एक रुपैयाँ पनि हिनामिना भएको छैन ।
उनले विद्यालयको सम्पूर्ण आर्थिक कारोबार पारदर्शी रूपमा सञ्चालन हुँदै आएको दाबी गर्दै यदि कसैले भ्रष्टाचार भएको प्रमाणित गर्न सके आफू कानुनी कारबाही भोग्न तयार रहेको चुनौती दिएका छन्।“विद्यालयको आर्थिक गतिविधि पूर्ण रूपमा नियमअनुसार र पारदर्शी ढंगले सञ्चालन भइरहेको छ।
आधारहीन आरोप लगाएर संस्थाको प्रतिष्ठामा आँच पुर्याउने काम भइरहेको छ,” पाण्डेले भने।उनले सम्बन्धित निकायलाई विद्यालयको आर्थिक अभिलेख जाँच गर्न समेत आग्रह गरेका छन्, जसबाट सत्यतथ्य बाहिर आउने विश्वास व्यक्त गरेका छन्।
साथै, गलत सूचना फैलाउनेप्रति सचेत रहन र तथ्यमा आधारित समाचार सम्प्रेषण गर्न सञ्चारमाध्यमलाई अनुरोध गरेका छन्।यस विषयमा स्थानीय सरोकारवाला निकाय र अभिभावकहरूले पनि वास्तविकता छानबिन गर्नुपर्ने आवश्यकता औंल्याएका छन्।
