admin
कपिलवस्तु, बैशाख २७ — कपिलवस्तुको मायादेवी गाउँपालिका भित्र रहेका विद्यालय तथा मदरसाका प्रधानाध्यापकहरूलाई लक्षित गर्दै विद्यालय सुधार योजना (एसआईपी) निर्माणसम्बन्धी दुई दिने कार्यशाला गोष्ठी सम्पन्न भएको छ।
परिवर्तनका लागि बालबालिका, युवा र समुदाय परियोजना अन्तर्गत दलित सामाजिक विकास केन्द्र को आयोजनामा कार्यक्रम सञ्चालन गरिएको हो। कार्यक्रममा गाउँपालिका भित्रका २५ वटा विद्यालय तथा मदरसाका प्रधानाध्यापकहरूको सहभागिता रहेको थियो।
कार्यक्रममा बोल्दै शिक्षा विकास तथा समन्वय इकाइ कपिलवस्तुका निमित्त प्रमुख चोपलाल बेलबासे ले विद्यालय सुधार योजना व्यवहारमा कार्यान्वयन गर्न सकिने खालको हुनुपर्ने बताउनुभयो।
उहाँले तालिमबाट सिकेका विषयलाई विद्यालयमा प्रभावकारी रूपमा लागू गर्न आग्रह गर्दै गुणस्तरीय शिक्षाका लागि योजनाबद्ध सुधार आवश्यक रहेको उल्लेख गर्नुभयो। साथै स्रोत व्यवस्थापनका लागि पहल गर्नुपर्नेमा पनि उहाँले जोड दिनुभयो।
त्यस्तै बद्री बेलबासे ले विद्यालय व्यवस्थापन तथा शैक्षिक सुधारका लागि एसआईपी महत्वपूर्ण आधार भएको बताउनुभयो। स्थानीय तहले विद्यालयको शैक्षिक गुणस्तर अभिवृद्धिका लागि आवश्यक सहकार्य गर्दै आएको जानकारी दिँदै उहाँले तालिमबाट प्राप्त ज्ञान र सीप विद्यालयमा लागू गर्नुपर्ने धारणा राख्नुभयो।
कार्यक्रमका प्रशिक्षक रविन्द्र आचार्य ले विद्यालय सुधार योजनाका विभिन्न चरण, योजना निर्माण प्रक्रिया तथा परिमार्जित खाकाबारे सहजीकरण गर्नुभएको थियो। विद्यालयको आवश्यकता पहिचान गरी दीर्घकालीन लक्ष्यसहित योजना निर्माण गर्नुपर्ने उहाँको भनाइ थियो।
सहभागीका तर्फबाट नेपाल राष्ट्रिय माध्यमिक विद्यालय का प्रधानाध्यापक अब्दुस सलामले तालिमले विद्यालयको योजना निर्माण प्रक्रियालाई व्यवस्थित बनाउन सहयोग पुगेको बताउनुभयो। यस्तै नेपाल राष्ट्रिय आधारभूत विद्यालय का प्रधानाध्यापक सुमन्त यादवले विद्यालयको शैक्षिक अवस्था सुधारका लागि यस्ता कार्यक्रम प्रभावकारी हुने
धारणा राख्नुभयो।दलित सामाजिक विकास केन्द्र को आयोजन मा युनाइटेड मिसन टु नेपाल को आर्थिक सहयोग तथा मायादेवी गाउँपालिका गाउँ कार्यपालिकाको कार्यालयको समन्वयमा आयोजित कार्यक्रम सुरजमती पासी को अध्यक्षतामा सम्पन्न भएको
