एसईईमा सनलाइट स्कुलको उत्कृष्ट सफलता, आशित भुसाललाई ५१ हजार पुरस्कार घोषणा
कपिलवस्तु, वैशाख ३० गते । श्री सनलाइट इङ्लिस बोर्डिङ स्कुल का विद्यार्थी आशित भुसालले माध्यमिक शिक्षा परीक्षा (एसईई) मा ४ जीपीए प्राप्त गरेका छन् । उत्कृष्ट नतिजा हासिल गरेपछि विद्यालयले उनलाई ५१ हजार रुपैयाँ नगद पुरस्कार दिने घोषणा गरेको छ ।

विद्यालयका संस्थापक एसएन त्रिपाठी ले ४ जीपीए ल्याउने विद्यार्थीलाई ५१ हजार रुपैयाँ पुरस्कार प्रदान गरिने घोषणा यसअघि नै गरिएको जानकारी दिनुभयो । सोहीअनुसार विद्यार्थी आशित भुसाललाई उक्त पुरस्कार उपलब्ध गराइने उहाँले बताउनुभयो ।
यस वर्ष विद्यालयबाट एसईई परीक्षामा सहभागी १७ जना विद्यार्थी सबै उत्तीर्ण भएका छन् । शतप्रतिशत नतिजा ल्याउन सफल भएको विद्यालयले जनाएको छ । साथै, उत्कृष्ट नतिजासहित विद्यालय जिल्लामै प्रथम भएको दाबी पनि विद्यालयले गरेको छ ।