admin
कपिलवस्तु । कपिलवस्तुको शिवराज नगरपालिका–३ खरेन्द्रपुरमा इन्टरनेट लाइन मर्मत गर्ने क्रममा करेन्ट लागेर एक कर्मचारीको मृत्यु भएको छ।मृत्यु हुनेमा पञ्चकन्या जे.बि.एम. केबुल नेट चन्द्रौटामा कार्यरत ३२ वर्षीय लेखु थापा रहेका छन्।
उनी पाल्पाको रिब्दीकोट गाउँपालिका–७ फेक स्थायी घर भई हाल शिवराज–३ मदवामा बस्दै आएका थिए।प्रहरीका अनुसार बिहीबार बिहान करिब ९ः३० बजे खरेन्द्रपुरस्थित एक घरमा इन्टरनेट लाइन मर्मत गर्ने क्रममा अचानक करेन्ट लागेर थापा गम्भीर घाइते भएका थिए।
स्थानीयले तत्काल उनलाई बुद्ध पोलिक्लिनिक खरेन्द्रपुरमा पुर्याएका थिए। त्यहाँ सामान्य उपचारपछि थप उपचारका लागि बुटवल रिफर गरिएको थियो।
तर उपचारकै क्रममा उनको मृत्यु भएको जिल्ला प्रहरी कार्यालय कपिलवस्तुका प्रवक्ता प्रहरी नायब उपरीक्षक रिपेन्द्रकुमार सिंह ले जानकारी दिएका छन्। प्रहरीले घटनाबारे थप अनुसन्धान भइरहेको जनाएको छ।
