कपिलबस्तु, जेठ ४ गतेकपिलवस्तु — पूर्व–पश्चिम राजमार्ग अन्तर्गत शिवराज नगरपालिका–१ स्थित रेन्ज पोस्ट नजिक ट्राफिक प्रहरीले भारतीय नम्बर प्लेटको कारबाट ठूलो परिमाणमा अवैध मदिरा बरामद गरेको छ।

चेकजाँचका क्रममा डिएल ४ सि एनई ९४१२ नम्बरको टोयटा कारबाट करिब ३ लाख २ हजार ८ सय रुपैयाँ बराबरको रोयल स्टेग र सिग्नेचर ब्रान्डका २ सय ३३ बोतल मदिरा फेला परेको प्रहरीले जनाएको छ।

प्रहरीका अनुसार सवारी चालकले गाडीको कागजात छुटेको भन्दै लिन जान्छु भनेर निस्किएका थिए। तर, त्यसपछि उनी फर्किएर नआएको बताइएको छ।जाँचका क्रममा कारको पछाडिको सिटमा विशेष ‘फल्स बटम’ बनाएर मदिरा लुकाइ राखिएको अवस्थामा फेला परेको प्रहरी नायब उपरीक्षक रिपेन्द्र कुमार सिंहले जानकारी दिए।

बरामद गरिएको मदिरा जिल्ला प्रहरी कार्यालय परिसरमा गाडेर नष्ट गरिएको छ भने करिब ७ लाख रुपैयाँ मूल्यको उक्त गाडी आवश्यक कारबाहीका लागि सुनौली भन्सार पठाइने प्रहरीले जनाएको छ।