महाराजगञ्ज (कपिलवस्तु), बडगाँव ।

महाकाल युवा शक्ति नेपालद्वारा महाराजगञ्ज नगरपालिका–बडगाँवमा कन्या विवाह कार्यक्रम २०८३ भव्य रूपमा सम्पन्न गरिएको छ। समाजमा आर्थिक रूपमा कमजोर तथा आवश्यकता भएका परिवारलाई सहयोग पुर्‍याउने उद्देश्यले आयोजित उक्त कार्यक्रममा स्थानीयवासी, समाजसेवी तथा विभिन्न क्षेत्रका व्यक्तित्वहरूको उल्लेखनीय सहभागिता रहेको थियो।

कार्यक्रममा बोल्दै आयोजकहरूले छोरीहरू समाजका अमूल्य गहना भएको उल्लेख गर्दै उनीहरूको सम्मान, सुरक्षा र उज्ज्वल भविष्यका लागि सबैले हातेमालो गर्नुपर्नेमा जोड दिएका थिए।

कार्यक्रममार्फत समाजमा सकारात्मक सन्देश प्रवाह हुनुका साथै सामाजिक एकता र मानव सेवाको भावना अझ मजबुत भएको सहभागीहरूले बताएका छन्।

महाकाल युवा शक्ति नेपालले आगामी दिनहरूमा पनि यस्ता सामाजिक तथा मानवीय सेवामूलक कार्यक्रमलाई निरन्तरता दिने प्रतिबद्धता व्यक्त गरेको छ।”छोरीको मुस्कान, हाम्रो अभियान” भन्ने मूल नारासहित सम्पन्न कार्यक्रमले स्थानीय स्तरमा सकारात्मक चर्चा बटुलेको छ।