कपिलवस्तु, भदौ २० गते ।मायादेवी गाउँपालिका ५ महादेवमा पर्ने दोहानीदेखि चाकरचौडा जाने मुख्य सडकको अवस्था वर्षासँगै दयनीय बनेको छ। सडक चौडा भए पनि पानी निकासको उचित व्यवस्था नहुँदा ठाउँ–ठाउँमा पानी जमेको छ भने सडक हिलाम्मे बनेको स्थानीयको गुनासो छ।

स्थानीयका अनुसार उक्त सडकबाट दैनिक करिब ५०० देखि १,००० जनासम्म मानिस आवतजावत गर्ने गरेका छन्। तर सडकमा पानी र हिलो जम्दा पैदलयात्री, साइकल, मोटरसाइकल तथा अन्य सवारीसाधनलाई आवतजावत गर्न कठिनाइ भइरहेको छ।

स्थानीयले सडकको अवस्था सुधार र पानी निकासको व्यवस्था गर्न वडा कार्यालय तथा मायादेवी गाउँपालिकाका सम्बन्धित जनप्रतिनिधिलाई पटक–पटक जानकारी गराउँदा समेत प्रभावकारी पहल हुन नसकेको गुनासो गरेका छन्।स्थानीयको प्रश्न छ सडक चौडा भएर मात्रै विकास हुन्छ कि जनतालाई सहज रूपमा हिँड्न मिल्ने सडक पनि चाहिन्छ?

वडा अध्यक्ष र मायादेवी गाउँपालिका अध्यक्षको मुख्य जिम्मेवारीमध्ये जनताको आधारभूत पूर्वाधार तथा सडक समस्याको समाधान गर्नु पनि हो भन्दै स्थानीयले तत्काल सडकको हिलो र पानीको समस्या समाधान गर्न माग गरेका छन्।

मुख्य सडककै यस्तो हालत भएपछि स्थानीयले प्रश्न गर्न थालेका छन् मायादेवी ५ महादेवको विकास आखिर कहाँ छस्थानीयले अब आश्वासनभन्दा तत्काल पानी निकास सडक मर्मत तथा स्थायी स्तरोन्नतिको काम अघि बढाउन वडा र गाउँपालिका नेतृत्वसँग माग गरेका छन्।