कपिलवस्तु, भदौ २५ गते ।
भोटेकोशी क्षेत्रमा आएको बाढीबाट प्रभावित नागरिकको उद्धार तथा राहतका लागि सुनचाँदी व्यवसायी संघ तौलिहवाले प्रधानमन्त्री दैवी प्रकोप उद्धार कोषमा रु. १ लाख ३३ हजार ५११ आर्थिक सहयोग गरेको छ।

विपद् तथा संकटका समयमा सामाजिक उत्तरदायित्व बहन गर्दै संघले उक्त रकम सहयोग गरेको हो। संघका अध्यक्ष देवीप्रसाद बर्माको नेतृत्वमा उपाध्यक्ष नित्यानन्द बर्मा, सचिव बिरेन्द्र बर्मा लगायतको टोलीले रकम जम्मा गरिएको भौचर प्रमुख जिल्ला अधिकारी जनार्दन गौतमलाई हस्तान्तरण गरेको छ।

संघले बाढीबाट प्रभावित नागरिकको उद्धार, राहत तथा पुनःस्थापनामा सहयोग पुग्ने उद्देश्यले सहयोग रकम प्रदान गरिएको जनाएको छ विपद्को समयमा व्यवसायिक क्षेत्रबाट गरिएको यस प्रकारको सहयोगले प्रभावित परिवारलाई राहत पुर्‍याउन थप टेवा पुग्ने विश्वास गरिएको छ।