admin
घोंगी रेस, मायुर नाच र राष्ट्रिय गायकको प्रस्तुति सहित हजारौं दर्शक सहभागी
गैडहवा, रुपन्देही। – माघ ५ गते, २६४५ औँ थारू लवा वर्षको अवसरमा तेस्रो ननौली माघी महोत्सव–२०८२ गैडहवा–२, ननौलीमा भव्य रूपमा सम्पन्न भयो।
बुद्ध भूमि युवा क्लबको आयोजनामा सम्पन्न महोत्सवमा प्रमुख अतिथि सुरेन्द्र पौडेल, विशिष्ट अतिथि सराजुद्दीन धुनिया, उपाध्यक्ष माधुरी जैसवाल र स्थानीय कलाकारहरू उपस्थित थिए। प्रमुख अतिथि र विशिष्ट अतिथिलाई सम्मानपत्र र प्रतीकात्मक खाता प्रदान गरिएको थियो।
सुरेन्द्र पौडेल प्रमुख अतिथि “माघी महोत्सवले हाम्रो सांस्कृतिक पहिचान जिवन्त राख्छ र युवाहरूसँग एकता जोड्छ। यस्तो कार्यक्रमले समुदायभित्रको सद्भाव र आपसी मेलमिलाप बढाउँछ। आगामी वर्षमा अझ भव्य कार्यक्रम आयोजना गर्ने योजना छ।
“सराजुद्दीन धुनिया विशिष्ट अतिथि “माघी महोत्सवले परम्परागत कला र नृत्यलाई जिवन्त राख्ने मात्र होइन, स्थानीय पर्यटन र युवाहरुको सांस्कृतिक सहभागिता पनि बढाउँछ। यस्तो अवसरले समुदायभित्र सहकार्य र सद्भावको भावना बलियो बनाउँछ।
“शिशिर मिश्र लुम्बिनी सत्य खबरका पत्रकार “यो महोत्सव केवल थारू समुदायको मात्र नभई हामी सबैको साझा संस्कृति र पहिचानलाई जोड्ने अवसर हो। थारू सांस्कृतिक झाँकी, घोंगी रेस, मायुर नाच र गीत–संगीतले हामी सबैलाई एकसाथ ल्याएको छ। हामीले यसमा सहभागी भएर महसुस गर्न सक्यौं भने सांस्कृतिक कार्यक्रमले समुदायलाई मात्र होइन, सम्पूर्ण समाजलाई एकता र सहकार्यमा जोड्छ। आउनुहोस्, हामी सबै मिलेर यस कार्यक्रमलाई सफल बनाऔँ र हाम्रो सांस्कृतिक सम्पदाको संरक्षणमा योगदान दिऔँ।
“मुख्य आकर्षणमा थारू झाँकी प्रदर्शन, घोंगी रेस, मायुर नाच, सांस्कृतिक नाचगान, र राष्ट्रिय गायक मिलन चौधरी र मदन चौधरी को प्रस्तुति रह्यो। हजारौं दर्शक र प्रशासनिक प्रतिनिधिहरूले कार्यक्रमको आनन्द लिए।
आयोजक: बुद्ध भूमि युवा क्लब, गैडहवा–२, रूपन्देहीमिडिया पार्टनर: रेडियो कञ्चन, लुम्बिनी सत्य खबर, थिंकिङ्ग रिच नेपाल ,सहयोग: गैडहवा गाउँपालिका, विष्णुपुरा–३, रूपन्देही, २ नं. वडा कार्यालय
