कपिलबस्तु, जेठ ७ गतेरुपन्देही :- लुम्बिनी सांस्कृतिक नगरपालिका वडा नं. ११ को नवनिर्मित वडा कार्यालय भवनको उद्घाटन कार्यक्रम मसिना विचौवापुरमा वडा अध्यक्ष अकरामुद्दीन मुसलमान को अध्यक्षतामा भव्य तथा सभ्य रूपमा सम्पन्न भएको छ।

कार्यक्रममा नगर कार्यवाहक प्रमुख कल्पना हरिजन ले नवनिर्मित वडा कार्यालय भवनको उद्घाटन गर्नुभएको थियो। कार्यक्रममा प्रमुख प्रशासकीय अधिकृत तारा ज्ञवाली लगायत विभिन्न वडाका जनप्रतिनिधिहरूको उल्लेखनीय उपस्थिति रहेको थियो।

उद्घाटन समारोहलाई सम्बोधन गर्दै वक्ताहरूले नवनिर्मित वडा कार्यालय भवनले सेवा प्रवाहलाई थप प्रभावकारी, व्यवस्थित तथा नागरिकमैत्री बनाउन महत्वपूर्ण योगदान पुग्ने विश्वास व्यक्त गरे। उनीहरूले स्थानीय सरकारका सेवाहरूलाई सहज, छिटो र गुणस्तरीय बनाउन भौतिक पूर्वाधारको विकास आवश्यक रहेको धारणा राखेका थिए।

कार्यक्रममा जनप्रतिनिधि, कर्मचारी, स्थानीय बुद्धिजीवी, समाजसेवी तथा सर्वसाधारणको उल्लेखनीय सहभागिता रहेको थियो। भवन उद्घाटनसँगै वडा कार्यालयबाट प्रदान गरिने सेवाहरू अझ प्रभावकारी र सहज रूपमा सञ्चालन हुने अपेक्षा गरिएको छ।